દક્ષિણ કેરોલિનાના લિટલ રિવરમાં ગોળીબાર, 11 લોકો હોસ્પિટલમાં દાખલ
રવિવારે રાત્રે દક્ષિણ કેરોલિનાના લિટલ રિવરના બીચ ટાઉનમાં ગોળીબારની ઘટના બની હતી, જેમાં ઓછામાં ઓછા 11 લોકો ઘાયલ થયા હતા અને તેમને હોસ્પિટલમાં દાખલ કરવામાં આવ્યા હતા.
સ્થાનિક હોરી કાઉન્ટી પોલીસ વિભાગના જણાવ્યા અનુસાર, આ ઘટના રાત્રે 9:30 વાગ્યાની આસપાસ બની હતી. જોકે, પોલીસે ઘાયલોની સ્થિતિ અથવા ગોળીબારના કારણો વિશે હજુ સુધી કોઈ વિગતવાર માહિતી આપી નથી. પોલીસે કહ્યું છે કે આ મામલાની તપાસ ચાલી રહી છે અને માહિતી બહાર આવતાં તેને અપડેટ કરવામાં આવશે.
