યુક્રેન-રશિયાને લઈને અમેરિકાની નીતિ બદલાઈ

Publish: Fri, 7 Mar 2025 (09:42 IST) Updated: Fri, 7 Mar 2025 (09:44 IST)

અમેરિકાએ યુક્રેન અને રશિયાને લઈને પોતાની નીતિ બદલી છે. જેના કારણે યુરોપિયન દેશોમાં હલચલ મચી ગઈ છે. યુરોપિયન દેશો પોતાની અને યુક્રેનની સુરક્ષાને લઈને તણાવમાં છે. આથી યુરોપની સુરક્ષા માટે ફ્રાન્સ આગળ આવ્યું છે.

ફ્રાન્સના રાષ્ટ્રપતિ ઈમેન્યુઅલ મેક્રોને કહ્યું કે રશિયા યુરોપ માટે ખતરો બની રહ્યું છે. તેથી ફ્રાન્સ યુરોપિયન દેશોને પરમાણુ સહાય પૂરી પાડશે. રશિયાએ પણ ફ્રાન્સના રાષ્ટ્રપતિને પરમાણુ સહાયની ધમકી સામે ચેતવણી આપી હતી અને તેમને ધમકી ન આપવા જણાવ્યું હતું.

મોસ્કોએ યુક્રેનમાં નાટો પીસકીપીંગ ફોર્સ મોકલવાના યુરોપિયન યુનિયનના પ્રસ્તાવને પણ ફગાવી દીધો છે. જ્યારે યુએસએ યુક્રેનને સૈન્ય સહાય પર પ્રતિબંધ મૂક્યો હતો, ત્યારે યુરોપિયન યુનિયન (EU) ના નેતાઓએ કહ્યું હતું કે તેઓ યુક્રેન સાથે ઉભા છે અને તેના સંરક્ષણ પર ખર્ચ કરશે.

તુર્કીએ એમ પણ કહ્યું હતું કે જો જરૂર પડે તો તે યુક્રેનમાં પીસકીપર્સ મોકલી શકે છે.