GT vs MI : ગુજરાત સામે મુંબઈનો કારમો પરાજય, શુભમનની ટીમે સિઝનની પહેલી જીત નોંધાવી
Gujarat Titans vs Mumbai Indians
IPL 2025 GT vs MI Live Score:I IPL 2025 ની 9મી મેચ ગુજરાત ટાઇટન્સ અને મુંબઈ ઇન્ડિયન્સ વચ્ચે અમદાવાદના નરેન્દ્ર મોદી સ્ટેડિયમ ખાતે રમાઈ રહી છે. આ મેચમાં મુંબઈ ઈન્ડિયન્સના કેપ્ટન હાર્દિક પંડ્યાનું કમબેક થયું છે. મેચમાં મુંબઈ ઈન્ડિયન્સના કેપ્ટન હાર્દિક પંડ્યાએ ટોસ જીતીને પહેલા બોલિંગ કરવાનો નિર્ણય લીધો હતો. પ્રથમ બેટિંગ કરતા, ગુજરાત ટાઇટન્સે સાઈ સુદર્શનની શાનદાર 63 રનની ઇનિંગની મદદથી 20 ઓવરમાં 8 વિકેટ ગુમાવીને 196 રન બનાવ્યા. મુંબઈ સામે હવે 197 રનનો લક્ષ્યાંક છે. મુંબઈ તરફથી હાર્દિક પંડ્યાએ બોલિંગમાં બે વિકેટ લીધી.
ગુજરાત ટાઇટન્સે મુંબઈ ઇન્ડિયન્સને 36 રનથી હરાવ્યું
IPL 2025 ની 9મી મેચમાં, ગુજરાત ટાઇટન્સે મુંબઈ ઇન્ડિયન્સને 36 રનથી હરાવ્યું. ગુજરાત તરફથી પ્રસિદ્ધ કૃષ્ણા અને મોહમ્મદ સિરાજે 2-2 વિકેટ ઝડપી હતી.
આર સાઈ કિશોર અને કાગીસો રબાડાએ 1-1 વિકેટ લીધી. મુંબઈ તરફથી સૂર્યકુમાર યાદવે 28 બોલમાં 48 રન અને તિલક વર્માએ 36 બોલમાં 39 રન બનાવ્યા.
14 ઓવર પછી મુંબઈનો સ્કોર
ગુજરાત ટાઇટન્સ સામે 197 રનના લક્ષ્યાંકનો પીછો કરતા, મુંબઈ ઇન્ડિયન્સે 14 ઓવરમાં ચાર વિકેટ ગુમાવીને 112 રન બનાવ્યા છે. તે જ સમયે, સૂર્યકુમાર યાદવ 46 રન બનાવીને બેટિંગ કરી રહ્યા છે અને કેપ્ટન હાર્દિક 3 રન બનાવીને બેટિંગ કરી રહ્યા છે. મુંબઈને જીતવા માટે હવે 36 બોલમાં 85 રન બનાવવા પડશે.
મુંબઈને લાગ્યો ચોથો ફટકો
મુંબઈને 108 રનના સ્કોર પર ચોથો ફટકો પડ્યો. રોબિન મિંજ 6 બોલમાં 3 રન બનાવીને આઉટ થયો હતો. આર સાઈ કિશોરને પહેલી સફળતા મળી.
