જ્યારે મોદીએ નોબેલ પુરસ્કાર માટે તેમને ટેકો ન આપ્યો ત્યારે ટ્રમ્પે ગુસ્સામાં ટેરિફ લાદી દીધા
ન્યૂ યોર્ક ટાઈમ્સે એક જર્મન અખબારને ટાંકીને દાવો કર્યો છે કે છેલ્લા કેટલાક અઠવાડિયામાં, યુએસ રાષ્ટ્રપતિ ડોનાલ્ડ ટ્રમ્પે ભારતીય વડા પ્રધાન નરેન્દ્ર મોદીનો ઘણી વખત સંપર્ક કરવાનો પ્રયાસ કર્યો છે. જોકે, પીએમ મોદીએ દરેક વખતે ટ્રમ્પના પ્રયાસોને અવગણ્યા છે. પીએમ મોદી અને ડોનાલ્ડ ટ્રમ્પ વચ્ચે છેલ્લી સત્તાવાર ટેલિફોન વાતચીત 17 જૂનના રોજ થઈ હતી. ત્યારબાદ ટ્રમ્પ અચાનક કેનેડામાં ચાલી રહેલી G7 સમિટ છોડીને વોશિંગ્ટન પાછા ફર્યા
આ સમિટ દરમિયાન ડોનાલ્ડ ટ્રમ્પ અને પીએમ મોદી વચ્ચે દ્વિપક્ષીય મુલાકાતનું આયોજન કરવામાં આવ્યું હતું, જે રદ કરવી પડી હતી. તે વાતચીત દરમિયાન ટ્રમ્પે પીએમ મોદીને વોશિંગ્ટનમાં રહેવાનું આમંત્રણ આપ્યું હતું, પરંતુ પીએમ મોદીએ ક્રોએશિયાની મુલાકાતને કારણે અમેરિકન રાષ્ટ્રપતિની વિનંતીને નકારી કાઢી હતી.
ન્યૂયોર્ક ટાઈમ્સના અહેવાલ મુજબ, ત્યાંના સરકારી અધિકારીઓએ જણાવ્યું હતું કે એવું અનુમાન કરવામાં આવી રહ્યું છે કે ટ્રમ્પ પીએમ મોદી પર તેમની અને પાકિસ્તાની આર્મી ચીફ આર્મી અસીમ મુનીર સાથે ફોટોશૂટ માટે દબાણ કરી શકે છે. કારણ કે અસીમ મુનીરને ટ્રમ્પ દ્વારા તે જ સમયે વ્હાઇટ હાઉસમાં લંચ માટે આમંત્રણ આપવામાં આવ્યું હતું.
