1. સમાચાર જગત
  2. ગુજરાત સમાચાર
  3. સ્થાનિક ગુજરાતી ન્યુઝ
  4. Why is inflation soaring in the world, including the US?

અમેરિકા સહિત વિશ્વના દેશોમાં મોંઘવારી અચાનક કેમ વધી રહી છે?

Why is inflation soaring in the world
એક તરફ અઠવાડિયાથી જહાજ સામાનથી લદાયેલાં કન્ટેઇનર ઊતરવાની રાહ જોઈ રહ્યાં હતાં અને બીજી તરફ દેશની અંદર દુકાનોમાં સામાનની અછત સર્જાઈ રહી હતી. અમેરિકા જેવી જ પરિસ્થિતિ અન્ય દેશોમાં પણ હતી.
 
આંતરરાષ્ટ્રીય કંપનીઓ અને ટ્રેડ ઍસોસિયેશનોએ ચેતવણી આપી કે પરિસ્થિતિ સુધરવામાં હજુ વર્ષો લાગી શકે છે.
 
આ અઠવાડિયે દુનિયા-જહાંમાં અમારો પ્રશ્ન એ છે કે સમગ્ર વિશ્વમાં એક જ રીતનો અભાવ કેમ જોવા મળી રહ્યો છે અને સ્થિતિ સામાન્ય થવામાં કેટલો સમય લાગશે. ચર્ચા માટે આપણી સાથે ચાર નિષ્ણાતો છે.
 
સ્ટેસી રેસગન બર્નસ્ટીન રિસર્ચમાં મૅનેજમૅન્ટ સંચાલક અને વરિષ્ઠ વિશ્લેષક છે. તેઓ અમેરિકાના સેમિકંડક્ટર બજાર પર નજર રાખે છે.
 
તેમનું કહેવું છે કે વૈશ્વિકસ્તરે એક અલગ પ્રકારનું વલણ જોવા મળી રહ્યું છે. ઉત્પાદન માટે જરૂરી વસ્તુઓની અછતને કારણે નવો સામાન બજારમાં આવી જ નથી રહ્યો અને કિંમતો વધી રહી છે. આની ભારે અસર કારબજાર પર જોવા મળી રહી છે.
 
તેઓ કહે છે કે, "જો એક નાનાં સેમિકંડક્ટર પણ ઓછાં પડી ગયાં તો કારનું ઉત્પાદન રોકાઈ જશે. ધારો કે એક માઇક્રોકંટ્રોલ ચિપ માત્ર 500 પૈસાની છે, તેમ છતાં તેના વગર તમે 50 હજાર ડૉલરની કાર નથી બનાવી શકતા. આ વર્ષે સેમિકંડક્ટરની અછતના કારણે દસ લાખ કરતાં વધુ કારો ન બની શકી અને ઑટો ઇન્ડસ્ટ્રીને 200 અબજ ડૉલર કરતાં વધુનું નુકસાન વેઠવું પડ્યું."
આગળનો લેખ
હાર્દિક પંડ્યા : ટી 20 વર્લ્ડ કપમાંથી પરત આવતા મુંબઈ ઍરપોર્ટ પર હાર્દિક પંડ્યા પાસેથી પાંચ કરોડની ઘડિયાળો મળી હતી?