ઉપવાસમાં બનાવો ઝટપટ દહીંવાળા બટાકા, સ્વાદ એવો કે વારંવાર બનાવવાનું મન થશે

સામગ્રી:

બાફેલા બટાકા – 4

દહીં – 1 કપ

લીલા મરચાં – 2 ઝીણા સમારેલા

જીરું – 1/2 ચમચી

સિંધાલૂણ – સ્વાદ મુજબ

કાળા મરીનો પાઉડર – 1/2 ચમચી

ઘી – 1 ચમચી

લીલા ધાણા – 2 ચમચી સમારેલા

પાણી – જરૂર મુજબ

બનાવવાની રીત:

સૌપ્રથમ બાફેલા બટાકાની છાલ ઉતારીને તેના મધ્યમ કદના ટુકડા કરી લો.

એક વાસણમાં દહીં સારી રીતે ફેંટી લો જેથી તેમાં ગાંઠો ન રહે. જરૂર મુજબ થોડું પાણી ઉમેરીને દહીંને પાતળું કરી લો.

એક કડાઈમાં ઘી ગરમ કરો. તેમાં જીરું અને સમારેલા લીલા મરચાં ઉમેરો.

હવે તેમાં બટાકાના ટુકડા નાખીને 2-3 મિનિટ સુધી હળવા હાથે સાંતળો.

ગેસ ધીમો કરો અને તેમાં ફેંટેલું દહીં ઉમેરો. સતત હલાવતા રહો, જેથી દહીં ફાટે નહીં.

તેમાં સિંધાલૂણ અને કાળા મરીનો પાઉડર ઉમેરો. જરૂર લાગે તો થોડું પાણી ઉમેરીને 2-3 મિનિટ સુધી ધીમા તાપે પકાવો.

ગેસ બંધ કરીને ઉપરથી સમારેલા લીલા ધાણા ઉમેરો.

દહીંવાળા બટાકા તૈયાર છે. તેને ગરમાગરમ સામા/મોરૈયાની ખીચડી, રાજગરાની પૂરી અથવા ફરાળી રોટલી સાથે સર્વ કરી શકાય છે.

ટિપ: દહીં ઉમેરતી વખતે ગેસ ધીમો રાખવો અને દહીંને સતત હલાવતા રહેવું, જેથી ગ્રેવી સરસ અને ક્રીમી બને.