Tomato Price: રાહતના સમાચાર, આ શહેરોમાં 80 રૂપિયામાં મળશે 1 કિલો ટામેટા, કેન્દ્ર સરકારે કરી જાહેરાત
ટામેટાના ભાવઃ ટામેટાના ભાવમાં સતત વધારો થઈ રહ્યો છે. ઘણી જગ્યાએ એક કિલો ટમેટાના ભાવ 250 રૂપિયા સુધી પહોંચી ગયા છે.
દરમિયાન, 16 જુલાઈ, રવિવારે કેન્દ્ર સરકારે રાહતની જાહેરાત કરી છે. સરકારે ટામેટાંના જથ્થાબંધ ભાવ ઘટાડવાનો નિર્ણય લીધો છે. ગ્રાહક મંત્રાલયે આ માહિતી આપી છે. દેશમાં ઘણી જગ્યાએ ટામેટાં હવે 80 રૂપિયા પ્રતિ કિલોના ભાવે વેચાશે.
જુલાઈ મહિનાની શરૂઆતથી જ ટામેટાના ભાવમાં સતત વધારો થઈ રહ્યો છે. જેના કારણે જનતાના રસોડા પર ખરાબ અસર પડી છે. ઘણા લોકોએ તેનું સેવન કરવાનું બંધ કરી દીધું છે. આ પહેલા શુક્રવારે કેન્દ્ર સરકારે દિલ્હી-એનસીઆરમાં મોબાઈલ વાન દ્વારા 90 રૂપિયા પ્રતિ કિલોના સબસિડીવાળા દરે ટામેટાંનું વેચાણ શરૂ કર્યું હતું. શનિવારે અન્ય ઘણા શહેરોમાં સબસિડીવાળા દરે ટામેટાંનું વેચાણ શરૂ કરવાનો નિર્ણય લેવામાં આવ્યો છે.
