સંબંધિત સમાચાર
- જે લોકોની એકેય પેઢીએ શહિદી નથી વ્હોરી એ લોકો દેશભક્તિના ગીતો ગાય છે- હાર્દિક પટેલ
- હાર્દિક 2019ની લોકસભાની ચૂંટણી લડશે, કઈ બેઠક અને કયો પક્ષ તેના પર સસ્પેન્સ
- રાજદ્રોહ મામલે હાર્દિક પટેલ દિનેશ બાંભણીયા, ચિરાગ પટેલ સામે ચાર્જફ્રેમ
- જાણો હાર્દિક પટેલને કેમ કોઈ મકાન ભાડે નથી આપતું કોણ રોકે છે?
- શું હાર્દિક પટેલ કોઈ પાર્ટીમાં જોડાઈને ચૂંટણી લડવાનો છે? તેણે આડકતરી રીતે તો હા પાડી
હાર્દિક પટેલ હવે ખરેખર કોંગ્રેસમાં જોડાશે અને જામનગરથી ચૂંટણી લડશે
ગુજરાતમાં હવે ચૂંટણીનું રણશિંગુ ફુંકાઈ ચૂકયું છે. ભાજપ અને કોંગ્રેસ દ્વારા હવે તડજોડની રાજનિતી પણ થવા માંડી છે. ત્યારે પાટીદાર આંદોલન સમિતિના કન્વીનર હાર્દિક પટેલ હવે કોંગ્રેસમાં ખરેખર જોડાઈ જવાનો છે અને ચૂંટણી પણ લડવાનો છે એવી ચર્ચાઓએ જોર પકડ્યું છે. હાર્દિક પટેલ આગામી 12મીએ કોંગ્રેસમાં જોડાશે. આ સાથે તેઓ લોકસભાની ચૂંટણી જામનગરથી લડશે તેમ કોંગ્રેસના સૂત્રો પાસેથી જાણવા મળ્યું છે. જોકે આ બાબતે હાર્દિક પટેલે કહ્યું હતું કે હું રાજકીય રીતે તૈયાર છું પણ હજુ કંઈ નક્કી નથી. દિલ્હીમાં કોંગ્રેસની સ્ટેન્ડિંગ કમિટીની મળેલી બેઠકમાં 12મી માર્ચે અડાલજમાં મળનારી જાહેર સભામાં સોનિયા ગાંધી અને રાહુલ ગાંધીની હાજરીમાં હાર્દિક કોંગ્રેસમાં જોડાશે. જામનગર અને રાજકોટ વિસ્તારમાં છેલ્લા કેટલાક સમયથી રેલી અને જાહેર સભા કરતા હાર્દિકે છેવટે જામનગરથી ચૂંટણી લડવાનું નક્કી કર્યું હોવાનું જાણવા મળ્યું છે. બેઠકમાં લોકસભાની 6 બેઠક પર એક નામ, 10 બેઠક પર બે દાવેદારોના નામ નક્કી થયા છે. સાત બેઠકો પર 20 માર્ચ સુધીમાં ઉમેદવારો જાહેર થઈ શકે છે.
